జియా ఖాన్ ఆత్మహత్య చేసుకుంది.

'నిశ్శబ్ద్' చిత్రం ద్వారా వెండితెరకు పరిచయం అయిన బాలీవుడ్ నటి జియా ఖాన్ అర్థాంతరంగా తనువు చాలించింది. రాంగోపాల్ వర్మ దర్శకత్వంలో వచ్చిన ఈ చిత్రంలో బిగ్ బీ అమితాబ్ బచ్చన్ తో కలిసి నటించిన ఆమె అనతి కాలంలో మంచి నటిగా గుర్తింపు తెచ్చుకుంది. అయితే ఎంత త్వరగా ప్రేక్షకులకు దగ్గరైందో అంతే త్వరగా ఈ లోకం నుంచి నిశ్శబ్దంగా సెలవు తీసుకుంది. ముంబయి జూహులోని తన ఇంట్లో రాత్రి 11 గంటల సమయంలో జియా ఖాన్ ఆత్మహత్య చేసుకుంది.